Porn Site : पॉर्न साईट : सामाजिक मानसिकता

काही पॉर्न साईटवर सरकारनं बंदी आणली. आणि सोशल मिडीयावर एकच वादळ उठलं. या वादात या बंदीचे समर्थन करणारे जसे होते तसेच या बंदीमुळे व्यक्तिगत स्वातंत्र्यावर गदा आल्याची ओरड करणारेही होते. काही जण तर
लोकमान्य टिळकांच्या आवेशात , ' पॉर्न साईट पहाणं हा आमचा जन्मसिद्ध हक्क आहे असे सांगत होते. ' पण खरंच पॉर्न साईटची गरज आहे का ? पॉर्न साईट पाहिल्यामुळे लैंगिक भावनाचे शमन होते कि लैंगिक भावनांना उत्तेजन मिळते ? याचा विचार मात्र कोणीच करत नव्हते.

इंटरनेट वापरकर्ते इतर कोणत्याही लिखाणापेक्षा पॉर्न साईटला सर्वाधिक भेटी देतात हे वास्तव आहे. याचा अर्थ त्या साईट अथवा त्या साईटवरील अश्लिल मजकूर , चलचित्रे ( Video ) हि समाजाची प्राथमिक गरज आहे असे म्हणता येत नाही. परंतु समाजात कली शिरला आहे असे नक्की मानता येते. समाजात वैचारिक हिनता बळावते आहे असे म्हणता येते.

मुळात सेक्स म्हणजे काय ? इतर सर्व साधारण क्रियांप्रमाणे ती एक शारिरीक क्रिया आहे. त्यामुळे जी मंडळी पॉर्न साईटला भेट देतात ती काही ती क्रिया पहाण्यासाठी त्या पॉर्न साईटला भेट देत नाहीत. कारण क्रिया इथून तिथून सारखीच असते. तरीही लोकांना या पॉर्न साईटचं एवढ कौतुक का ? लोकांना वेगवेगळी लैंगिक आसने जाणून घ्यायची असतात का ?

यातलं काहीच खरं नाही. खरी बाब अशी आहे. पॉर्न साईटला भेट देणाऱ्या मंडळींना दुसऱ्या स्त्रीचं नग्न शरीर पहाण्यात अधिक रस असतो. खरं तर स्त्रीचं शरीरही इथून तिथून सारखंच असतं. जो काही फरक असतो तो त्या त्या शरीराच्या आकारमानात आणि लांबी रुंदीत. पण तरीही स्त्री शरीराविषयीचं पुरुषाचं कुतूहल संपत नाही. आणि त्यामुळेच पॉर्न साईटला अनेकजण भेट देतात.     

एका बातमीनुसार, ' पॉर्न साईटला भेट देण्यात भारतीय महिला आघाडीवर असतात. ' हे सर्व्हेक्षण खरे असेल का ? खरे असेल तर असे का घडत असेल ? याचा विचार व्हायला हवा.

पुरुषांना स्त्रीच्या नग्न देहाचं कुतूहल असतं तर स्त्रियांना या क्रियेविषयी कुतूहल असतं. आणि केवळ या क्रियेच्या कुतूहलापोटी स्त्रिया पॉर्न साईटला भेट देत असाव्यात.

पण कशासाठी का असेना नियमितपणे पॉर्न साईट पहाणे हि विकृतीच आहे. पॉर्न फिल्म पाहिल्याने लैंगिक भावनांचे शमन तर होत नाहीच. उलट ती अधिक उफाळून येते. आणि मग ती व्यक्ती त्या भावनेचे शमन होण्यासाठी होण्यासाठी कोणत्याही ठरला जाते. पापभिरू व्यक्ती हस्त मैथुनाचा मार्ग पत्करतो, त्यापेक्षा अधिक धाडसी व्यक्ती शक्य सेल तर समलिंगी संबंधाचा मार्ग स्विकारतो, सामाजिक जणीव नसलेली व्यक्ती बलात्काराचा मार्ग चोखाळते. आणि आपल्या लैंगिक भावनेचं शमन करण्यासाठी बलात्काराचा मार्ग पत्करणारी लिंगपिसाट मंडळी मग लहान मोठं असं काही पहात नाही. हाती लागेल त्या स्त्रीवर ते तुटून पडतात.

पॉर्न साईटचं समर्थन करणाऱ्या तमाम मंडळींना मी एकच प्रश्न विचारू इच्छितो , ' तुमच्या जवळच्या माणसाने पॉर्न साईट पाहिलेली तुम्हाला आवडेल का हो ? '

त्यामुळेच कुणी काही म्हणालं तरी पॉर्न साईटवर बंदी आणणं हि आमच्या संस्कृतीची आणि मानवतेची गरज आहे.