Insects : लोखंड खाणारं झाड

झाडं काय खातात ? हे आपण विज्ञानात शिकलेलो आहोत. झाडं मुळांद्वारे क्षार आणि पाणी घेतात. हवेतील कार्बनडाय ऑकसाईड आणि सूर्यप्रकाश यांच्या मदतीने हरितद्रव्याचे पृथ्थकरण करतात. हे सगळं  आपल्याला माहित आहे. काही झाडंतर कीटक खाऊन उदरनिर्वाह करतात हेही आपल्याला माहित आहे.

पण झाडं लोखंडही खातात हे आपल्याला माहित काय ? मी माझ्या शेजारील शेतात असं झाड पाहिलं आहे. हा लोखंड खाण्याचा प्रकार म्हणायचा कि अन्य काही हे आपण ठरवायला हवं.

झाला काय होतं. शेजारील शेतकऱ्याने त्याची विहिरीतली मोटर ( पाण्याचा विजेवर चालणारा पंप ) विहिरीच्या शेजारील झाडाला तारेने जखडून टाकला होता. झाडाच्या खोडाभोवती आदीच तीन मिलीमितारच्या जाडीच्या तारेचे चांगले बोटभर जाडीचे वेटोळे घातलेले. ही घटना चारपाच वर्षापूर्वीची.

परवा मी ते झाड जवळून पाहिलं तेव्हा लक्षात आलं पूर्वी खोडाच्या वरील बाजूने असलेले तारेचे वेटोळे आता बोटभर खोडात शिरलेले आहेत. वरून खोडाच्या सालीचा एकसंध लेप तयार झाला आहे. मी त्या एकसंध खोडावरील काही भाग खोलवर टोकरून पाहिलं तेव्हा लक्षात आलं कि आतील बोटभर जाडीचे तारेचे वेटोळे विरघळून गेले आहेत. म्हणूनच मी आजच्या पोस्टला नाव दिलंय - लोखंड खाणारं झाड. अर्थात कोणत्याही झाडाभोवती करकचून तारेचा असा विळखा घातला ते प्रत्येक झाड अशाच रीतीने ती तर खाऊन टाकेल हे नक्की.