Shiv Sena, BJP, Congress, NCP : उद्धव ठाकरेंचं ढोंग

Add caption

झालं. आज मतदान होतंय. सगळ्याच उमेदवारांच भवितव्य आज मतदान पेटीत बंद होतंय. १९ ला मतमोजणी होईल. त्याची उस्तुकता प्रत्येकाला आहेच. पण युती तुटल्यापासून शेवट पर्यंत भाजपने युती तोडली हा एकाच पाढा उद्धव ठाकरे घोकत राहिले. पण खरंच कोणी तोडली युती ?

माझा कयास तुम्हाला पटत नसेल तर सांगा.

काल खासदार आणि सामनाचे सहसंपादक संजय राउत यांनी उद्धव ठाकरेंची मुलाखत घेतली. सामनातनं प्रकाशित केली. निवडणूक न लढताही उद्धव ठाकरेंच्या समोर मुख्यमंत्री होण्याचे अनेक मार्ग आहेत हे सांगितलं. एक चहावाला पंतप्रधान होऊ शकतो तर उद्धव ठाकरे का नाही होऊ शकणार ? असा मुद्दा मांडला.  उद्धव ठाकरे यांनी मुख्यमंत्री व्हावं हि जनतेची इच्छा असल्याचं सांगितलं. पुरावा काय ? काहीच नाही. हे म्हणजे आपणच आपल्या पाठीवर शाब्बासकीची थाप मारून घेतल्यासारख झालं. 

गेली पंधरा दिवस भाजपावर चौफेर टिका केल्यानंतर शिवसेनेने हे शेवटचं अस्त्र बाहेर काढलं होतं. अगदी मतदानाच्या पुर्व संध्येला. हेतू एवढाच कि ज्याप्रमाणे भाजपने मोदींना मुख्यमंत्री पदाचा उमेदवार जाहीर करून लोकसभेला स्पष्ट बहुमत मिळवलं त्याच प्रमाणे आपण उद्धव ठाकरेंना मुख्यमंत्री म्हणुन जाहीर केलं तर जनता शिवसेनेच्या पारड्यातही बहुमत टाकेल. पण जनता एवढी खुळी नाही. हो उद्धव ठाकरे निवडणुकीला सामोरे गेले असते तर त्याचा शिवसेनेला थोडाफार फायदा नक्कीच झाला असता. 

लोकसभेला मोदींवर चोहोबाजूने टिका झाली. भाजपा बहुमतानं सत्तेत आली. त्यामुळे यावेळी विरोधीपक्ष त्यातून काही धडा घेतील असं वाटलं होतं पण तसं झालं नाही. त्यामुळेच पुन्हा एकदा भाजपाचा बहुमताने सत्तेत येण्याचा मार्ग मोकळा झालाय. १०० % नाही तरी ९० टक्के भाजपा बहुमतानं सत्तेत येईल असा माझा अंदाज आहे.  संध्याकाळ पर्यंत स्थिती आणखी निश्चित होईल. कदाचित ती १०० % हि असेल. 

' असो युती तोडायची ' हा शिवसेनेचा निश्चय होता यासाठी अनेक मुद्दे मांडता येतील . मी माझ्या मे महिन्यात लिहिलेल्या Indian Politics : उद्धवा जमिनीवर ये या लेखात असं म्हणालो होतो कि, ' हेच काय महाराष्ट्रातले बहुतेक निकाल भल्या भल्या राजकीय धुरिणांना अचंबित करायला लावणारा होते. महाराष्ट्रात भाजपा आणि मित्रपक्षांना तीसपेक्षा अधिक जागा मिळतील असं कुणालाच वाटत नव्हतं. पण तीसपस्तीस नव्हे तर भाजपा आणि मित्रपक्षांनी चक्क बेचाळीस जागा जिंकल्या. आणि याचं सारं श्रेय केवळ मोदींनाच दयायला हवं. 

हे सगळं उद्धव ठाकरेंनी लक्षात घ्यायला हवं आणि अधिक जागाच काय वेळ पडलीच तर मुख्यमंत्रीपदही भाजपाला द्यायला हवं. पण महाराष्ट्रात मीच मोठा असा सूर उद्धव ठाकरे लावत बसले आणि आघाडीत बिघाड आणला तर शरद पवार टपून बसलेले आहेतच. ते उद्धव ठाकरेंच्या या अस्मितेला खतपाणीच घालतील. आणि त्यातून काही चुकीचं घडलं तर उद्धवरावांची अवस्था ' आ बैल मुझे मार ' अशी होईल.' 

तिथपासून मुख्यमंत्री शिवसेनेचाच होणार असं उद्धव ठाकरे सांगत सुटले होते. धुसफूस सुरूच होती. एवढया मोठा विजय मिळाल्या नंतर भाजपाची निम्म्या जागांची मागणी अवास्तव नव्हती. पण भाजपाला निम्म्या जागा देण्यापेक्षा आपण सगळ्या जागा लढवल्या तर आपण बहुमत नक्कीच मिळवू शकतो असा विश्वास उद्धव ठाकरेंना आणि त्यांच्या सवंगड्यांना ( प्रामुख्यानं संजय राउत ) होता. त्यामुळेच आपण भाजपाची मागणी मान्य करायची नाही आणि त्यांना युती तोडायला भाग पडायचं असा मनसुबा शिवसेनेने आखला होता आणि तो तडीस नेला. 

त्यामुळेच मिशन १५० प्लस हे जिंकण्याच्या जागांचच मिशन होतं. आणि त्यासाठी युती तोडणं हि शिवसेनेची गरज होती. ' युती तुटणार आहे ' हे जनतेला आपण नाही सांगायचं. भाजपाला जनतेसमोर जायला भाग पाडायचं  आणि मग संपूर्ण प्रचारात आपण भाजपाच्या नावानं शिमगा करायचा. हा शिवसेनेचा डाव. 

असो. शिवसेनेने त्यांच्या परीनं खूप प्रयत्न केले आहेत. उद्धव ठाकरे यांच्या प्रमाणेच सुप्रिया सुळे आणि आणखी काही इतर काही नेत्यांनी सभेदरम्यान श्रोत्यांशी संवाद साधण्याची मोदींची लकब उचलली. मोदी संसदेच्या पायरीवर नतमस्तक झाले. उद्धव ठाकरेंनी प्रचारसभेपासुन वाकायला सुरवात केली. पण मोदींच्या विरुद्ध प्रत्येक सभेत अत्यंत असभ्य भाषा वापरणाऱ्या उद्धव ठाकरेंचं हे ढोंग जनतेच्या लक्षात येणार नाही का ? 

आता तर काय त्यांनी अनेक नेत्यांच्या विरुद्ध निवडणूक आयोगाला कारवाई करायला सांगुन आणखी एक पाऊल पुढे टाकले आहे. मोदी पंतप्रधान झाले पण त्यांनी असा शह कुणाला दिला नाही. 

आणि उद्धव ठाकरेंची हि उलटी बोंब ही कामी येणार नाही.